طالب الرئيس المصري عبدالفتاح السيسي، الثلاثاء 24 يوليو 2018، شعبه بأن يفخر بما حققه من إنجازات غير مسبوقة في قطاع الكهرباء خلال السنوات الماضية.

وقال السيسي في مقطع مصور خلال افتتاح عدد من محطات الكهرباء: «افخروا بأنفسكم وكونوا سعداء بما أنجزتموه».

ووجه السيسي حديثه للمصريين قائلاً: «أرجو أن نكون سعداء بما تحقق، ومحدش يقدر يحبطنا واصبروا وسترون العجب العجاب في مصر».

وأضاف الرئيس المصري: «إحنا مش بنعمل أنصاف حلول ولا حاجة نص نص.. ولكن نأخذ الأمور بجدية وإصرار وتحمّل وربنا بيوفقنا».

جاءت كلمة الرئيس السيسي، خلال افتتاح عدد من محطات الكهرباء الجديدة بالمحافظات من ضمنها المحطات الثلاث العملاقة التي نفذتها شركة سيمنس الألمانية في كل من العاصمة الإدارية الجديدة، وبني سويف، والبرلس بطاقة إنتاجية إجمالية 14400 ميغا وات.

وأكد أن كافة المطالب التي قدمتها الدولة المصرية إلى الشركة قامت بتنفيذها، وسأل السيسي، محمد شاكر، وزير الكهرباء، خلال كلمته، عن موعد الانتهاء من شبكات نقل الكهرباء الجديدة التي يتم تنفيذها وتبلغ حوالي 6 آلاف كيلو متر. 

وقدم السيسي شكره لوزارة الكهرباء، قائلاً: «من 3 سنوات وأكتر كان فيه مشكلة كهرباء في مصر، والنَّاس كانت بتقولي شيل الدكتور شاكر من الوزارة، يأخد المشكلة ويبقى ضحينا بواحد، ده كلام عجيب ولا يليق بالشرفاء واللي بيفهموا».

وتابع: «يبقى معايا إنسان عظيم ومحترم وفاهم شغله وعارف مساره وعلشان مشكلة لسه بنعالجها أقوم أضحي بيه علشان أعيش، دا كلام لا يليق بالرجال، والراجل بيقف جنب رجالته ما دام هما رجال حقيقيين، يقف جنبهم ويساعدهم».

وأشاد الرئيس، بدور وزارة البترول في حل أزمات قطاع الكهرباء، مشيراً إلى دورها في توفير الغاز ومشتقات المازوت في تشغيل محطات توليد الكهرباء.

وأردف الرئيس المصري، قائلاً: «في موضوعات موجودة في مصر مش متظبطة من زمان لظروف مصر، وزارة البترول كانت بتستلف عشان تجيب البترول لتشغيل محطات الكهرباء، هو في حاجة بتتعمل ببلاش؟»، مضيفاً: «فيه دول كتير أوي معندهاش خمس الطاقة الكهربائية اللي كانت موجودة عندنا في 2013 وعدد سكانها 100 مليون مواطن مافيش حاجة ببلاش، أرجو إنها تكون حاضرة لكل اللي بيسمعوني، وزراء ونواب ومسؤولين».

وأكد أن «قيادة دولة فيها 100 مليون، دا موضوع مش بيتحل بالأكل والشرب، قسماً بالله لو كان الموضوع وجبة واحدة في اليوم أعيش بيها وأبني بلدي أقسم بالله لأقعد بقية عمري كله آكل وجبة واحدة في اليوم لبناء الدولة المصرية».